CELTICS CAMPION DI NBA 21 ANU DIPOS

É pena nka odja ninhum jogo di NBA. Nem di época, nem di playoff, nem di final ki staba kenti. Rei di kenti. li si nu kre odja NBA nu tem ki poi SportTV, paciencia. Lakers-Celtis 21 anu dipos di ultimo jogu kez fazi na um final di NBA, inda ku Magic i Bird. Boston staba mal ma parsem ma gosi ninguem ka podi ku Boston. Jogo 6, 4-2 na casa, festa bedju na Boston.

REFORSU PRE-OLIMPICO

NOZ SELESOM DJA REFORSA PA ODJA SI NU TA DA LUTA NA TORNEIO PRE-OLIMPICO 2008. É DIFISIL MA NU KRE DA KABIDAL. VONTADI KA TA TXIGA NU MESTI VERBA PA LEBA NOZ NOMI LA RIBA MAZ UM BEZ.

FINAL DI NBA

FINAL DI NBA STA BRABU. 21 ANO DIPOZ BOSTON CELTICS STA DI NOVO NA FINAL, DI NOVU KU LAKERS. SO KI DEZ BEZ BOSTON KA KRE PERDI OPORTUNIDADI DI TORNA GANHA. FINAL STA BEDJO 3-2 PA BOSTON. SERÁ KI KOBE TA GANHA MAZ UM? SERÁ KI PHIL JAKSON TA KONSIGUI SI ANEL NR 10? SERÁ KI GARNET TA GANHA SI PRIMERO CAMPIONATO? BOM MANHA NU TA ODJA SI CELTICS TA FESTEJA OU LAKERS TA EMPATA 3-3.

NU TA BAI OU NU KA TA BAI

Pequim sta lonji ma Pré-Olimpico dja nu txiga. Nu da noz atletas, seja di ki mudalidadi for, oportunidadi di representa noz terra na palku internasional. Mérito djes tevi kantu ez fika 3º lugar na Afro Basket. Si tem xansi di bai Jogos Olimpicos (primeru bez na storia) nu meresi tenta. Tudu alguem, tudu caboverdianu ki tem vomtadi, ki tem capasidadi, ki mostra empenhu na leba cor di noz terra kada bez maz lonji, meresi um xansi. Ami é dodu na basket, ami é dodu na Cabo Verdi. Nkre odja noz rapaz ta kati-kati ku alemanha, ku nova zelandia ku kenha ki for. Nu apoia noz atleta, principalmenti kez ki mostra resultadu.